Nevezintioù ! 📚

Levrioù nevez al levraoueg !

Setu amañ pennadoù war al levrioù nevez akuizhet el levraoueg, gant un diverradenn hag un ali !

---

View this post on Instagram

📖 « Tizombi » – Cazenove, Jacquemoire ha William Ur vandenn-dreset fentus kenañ war un tem ha n’eo ket tamm ebet 😂 Istor ur zombi 🧟‍♂️ o vevañ en ur vered gant e vignoned, ha c’hoarvezout a ra ur bern troioù-kaer dezhe evel-just !! Evel Margotik, ur plac’h yaouank a zo war-nes bezañ debret gant Tizombi, emaoc’h o vont da zizoleiñ bed ar zombied 😝 Trugarez da Mel evit bezañ profet al levr d’al levraoueg ! 🎁

A post shared by Levraoueg Skolaj Diwan Plijidi (@levraoueg_sdbd) on May 4, 2020 at 7:00am PDT

---

View this post on Instagram

📖 « C’est quoi, les fake news ??? » – Jacques Azam Levr savet diwar ar gazetenn 1jour1actu, o tisplegañ al lavarenn milglevet « Fake news » ! Un tamm istor, termenadurioù, ha dreist-holl bandennoù-treset evit sikour da gompren mont en-dro ar stlenn, ar c’hazetennerezh, ar skingomz hag ar mediaoù sokial ! Dedennus kenañ 😱😱

A post shared by Levraoueg Skolaj Diwan Plijidi (@levraoueg_sdbd) on Apr 28, 2020 at 4:05am PDT

---

View this post on Instagram

📖 « Geek et savant » – Mathieu Hirtzig ha David Wilgenbus Un teul-titouriñ ar wech-mañ war ar sevenadur eus ar stlennerezh 💻 hag eus an niverel 📱! Ur seurt bibl, aes da gompren, ket re hir, o kontañ istor ar stlennerezh, an oberourien vrudet 👩🏼‍💻👨🏿‍💻 pe get hag o deus kemeret perzh e diorroadur ar bed niverel, ur renabl eus ar binviji niverel hag a zo dija, al lec’hioù kevreaet 🏠, hag an daeoù a chom da respont outo c’hoazh ! N’eo ket graet al levr-se evit ar re varrek war ar stlennerezh hepken, peogwir sur a-walc’h e ouiont kalzig a draoù dija ! An holl a c’hell lenn al levr-se, kement a draoù a zo da zeskiñ !! Da skouer, gouzout a rit e oa Jules Cesar 🏛 unan eus ar re gentañ da vezañ prederiet en doare da godañ e gemenadennoù ?!

A post shared by Levraoueg Skolaj Diwan Plijidi (@levraoueg_sdbd) on Apr 10, 2020 at 1:07am PDT

---

View this post on Instagram

📖 « The End » – Zep Théodore a zo stajiad nevez ar c’helenner-klasker Frawley. Asambles gant daou geneil emaint o studiañ ar gwez 🌳 ha penaos en em azasaont da araokadennoù Mab-den. Met goude un darvoud divoutin penn-da-benn, emañ Théodore o vont da gompren n’eo ket ar glaskerien a zo o evezhiañ an Natur, met ar c’hontrol rik ! Petra vefe gouest d’ober an Natur evit lakaat ac’hanomp da gompren ez eomp re bell ha ne c’hell ket ar blanedenn gouzañviñ hon doare bevañ ? 🧐 Setu ur vandenn-dreset, profet d’ar re koumanantet da L’école des loisirs Médium Max (4re-3de), hag a lak ac’hanomp da brederiañ kalzik war doare bevañ Mab-den hag ar pezh a lak da c’houzañv d’ar blanedenn ! Da vezañ lennet gant an holl !! En ur selaou ouzh The Doors hag ar ganaouenn The End … 🎶

A post shared by Levraoueg Skolaj Diwan Plijidi (@levraoueg_sdbd) on Apr 7, 2020 at 5:25am PDT

---

View this post on Instagram

📖 « Lou après tout – Tome 2, La communauté » – Jérôme Leroy Eil levrenn “Lou après tout”, unan eus levrioù ar Priz Gwalarn 4re/3de ! Goude marv Guillaume, ne gav ket Lou blaz er vuhez ken. Setu-hi o c’hortoz da vezañ debret gant ar Fiñverien war an draezhenn, met savetaet eo gant tri faotr, eus kumuniezh Wim. Daoust-hag-eñ e heulio anezho, daoust d’ar c’hoant ganti chom he-unan ha lakaat un termen d’he buhez kriz ? Ne ziskuilhin netra ouzhpenn, met deoc’h da c’hoût : prenet e vo an 3de levrenn buan a-walc’h rak c’hoant em eus gouzout fin an istor !!! 😱🤗

A post shared by Levraoueg Skolaj Diwan Plijidi (@levraoueg_sdbd) on Apr 3, 2020 at 2:53am PDT

---

View this post on Instagram

📖 « #Ma vie sous algorithmes » – Florence Pinaud Un teul-titouriñ a sikour da gompren ar gevredigezh a-vremañ. An treolioù, pe an algoritmoù, a zo un heuliad oberatadennoù a sikour da ziskoulmañ kudennoù pe da gavout un disoc’h bennak e bed an urzhiataerezh. 💻 Kelaouiñ, awenañ hag heñchañ a reont ac’hanomp er vuhez pemdeziek, hep ma ne welfemp anezho koulskoude. Daoust-hag-eñ n’int ket o reoliañ hon bed tamm-ha-tamm ? Piv int e wirionez ? Daoust-hag-eñ hon eus da gaout aon outo ? Desket em eus ur bern traoù en ur lenn al levr-mañ, ha dreist-holl penaos e ya en-dro bed an urzhiataerioù, an teknologiezhioù nevez, hag ar gevredigezh tro-dro deomp. Hag evit echuiñ, ur sifr am eus dizoloet ivez … 93% eus ar grennarded etre 12 ha 17 vloaz o deus ur pellgomz-hezoug !📱 #levrnevez #teultitouriñ #treolioù

A post shared by Levraoueg Skolaj Diwan Plijidi (@levraoueg_sdbd) on Mar 30, 2020 at 3:11am PDT

---

View this post on Instagram

📖 « A la croisée des mondes – La tour des anges » – Philip Pullman Eil levrenn an heuliad hollvrudet el levraoueg en-dro ! Kaset omp gant an heuliad en ur bed nevez, pennfollus, pinvidik, e-lec’h ma adkavomp Lyra prest da zizoleiñ ar bed-se, leun a fromoù hag a strafuilhadennoù. An holl skolajidi bet e 5vet klas o deus studiet levrenn kentañ an heuliad, “Les royaumes du Nord”, setu an eil levrenn, hag a oa aet diwar-wel el levraoueg !

A post shared by Levraoueg Skolaj Diwan Plijidi (@levraoueg_sdbd) on Mar 27, 2020 at 4:04am PDT

---

View this post on Instagram

📖 « L’atelier des sorciers », levrennoù 3, 4, 5 – Kamome Shirahama En heuliad manga-mañ e heuliomp istor Coco, ur sorserez yaouank, deuet da vezañ diskiblez ar c’helenner Kieffrey, gant teir sorserez all. Hogen, start eo dezhi kompren bed ar sorserien hag e lezennoù. Ouzhpenn da-se e tizoloomp buan a-walc’h emañ Kenbreuriezh ar C’habellig o klask war he-lerc’h, met perak ? Ha petra eo ar c’henbreuriezh-se ? Un heuliad manga dreist eo ! Bed ar sorserien, ar c’henskoazell etre ar sorserezed yaouank, an tresadennoù hag an istor evel-just, a zo kement a zanvez dedennus, itrikus ha strobinellus ! Mall ‘zo warnon bezañ e miz Mae evit ma vefe embannet 6vet levrenn an heuliad !! 🤗

A post shared by Levraoueg Skolaj Diwan Plijidi (@levraoueg_sdbd) on Mar 25, 2020 at 7:20am PDT

---

View this post on Instagram

📚 LEVRIOÙ NEVEZ !! 📚 Ur bern levrioù nevez a vo en distro 😱🤩 Hag e-pad an enkae, zoum war 1 levr bemdez 😜🥳 #enkae #levraouegserret #levrioùnevez #1devezh1levr

A post shared by Levraoueg Skolaj Diwan Plijidi (@levraoueg_sdbd) on Mar 23, 2020 at 4:18am PDT

---

View this post on Instagram

📚 Priz ar Yaouankiz – Tamara (Gégé Gwenn) Istor Tamara a zo istor ur plac’h yaouank, ganet e bro Tchetchenia, o vevañ e-kreiz Breizh Izel. 15 vloaz eo, e 3de klas emañ ha barrek-kenañ gant an dañs. Heuliet e vez he buhez pemdeziek etre he familh, ar skolaj, he c’hentelioù dañs hag he mignoned. Ouzhpenn d’an temoù-se e vez kaoz ivez eus ar brezelioù e Tchetchenia, eus an istorioù karantez e klas Tamara, hag eus kaoz al loened. Danvezioù a vremañ, skrivet evit ar re yaouank, met ket evit ar re dener o c’halon …

A post shared by Levraoueg Skolaj Diwan Plijidi (@levraoueg_sdbd) on Mar 22, 2020 at 7:09pm PDT

---

View this post on Instagram

📚 Priz ar Yaouankiz – Frond ar c’hafed fresk (Maï Ewen) Setu amañ un istor fromus. Kregiñ a ra gant ganedigezh Nin, hag hec’h endro, he familh a-bezh: he c’hoar vras, he zud, he mamm-gozh. Laouen-tre eo he c’hoar, daoust da vezañ 7 vloaz koshoc’h, rak n’he doa mignon ebet, met bremañ e c’hello ober war-dro he c’hoar vihan ha c’hoari ganti pa vo brasoc’h. Hogen n’eus ket levenez hepken war hent ar vuhez, ha mareoù tristoc’h a c’hoarvez a-wechoù. Met n’eus netra bravoc’h eget al liammoù c’hoarerezed hag ar garantez etre an div c’hoar-mañ. Skritur al levr a zo ken resis ken na vezomp fromet eus ar penn-kentañ betek ar fin. Goude bezañ echuet al levr, ur c’hoant hepken, mont da vriata e c’hoarezed … pe e vreudeur !

A post shared by Levraoueg Skolaj Diwan Plijidi (@levraoueg_sdbd) on Mar 22, 2020 at 7:04pm PDT

---

View this post on Instagram

📚 Priz ar Yaouankiz – Pêrig a wel mat (Jean-Patern Ars) Perig 'zo ur skoliad CM2 a blij dezhañ lenn ha pediñ mignoned d'ar gêr. Bez 'zo un dra ispisial en e vuhez avat : dall eo e dud. Asambles gant e vignon Axel ez eont d'ober troioù-kaer dre gêr Gwened. Lakaat ra ar gaoz ar romant war an namm-se hag an diaesterioù e sav war ar pemdez, ma vo kizidikaet al lennerien da vuhez an dud dall. Ul levrig berr hag aes da lenn. – Brendan-Budok

A post shared by Levraoueg Skolaj Diwan Plijidi (@levraoueg_sdbd) on Dec 15, 2019 at 2:23am PST

---

View this post on Instagram

📚 Priz ar Yaouankiz – Dremm guzh Eskalibur (Paol ar Meur) Aziliz a zo un enklaskerez a-vicher e Brest. Bevañ a ra-hi e 2079. Rannet eo ar bed etre ar vachelourien, tapet o bachelouriezh ganto, hag an dud distudi. Ar re gentañ a zo gwarezet gant lezenn ar riez, ar re all n’int ket. Fiziet e vez dezhi gant ar brefedez un enklask ken luziet hag iskis. Gouzout a ra emañ ar Stad en arvar, met ne oar ket c’hoazh emañ an enklask-se o vont da cheñch an traoù eviti ivez … Un istor dedennus hag hoalus dre ma ‘z eo un enklask, hag a blijo d’ar re dudiet gant ar skiant-faltazi !

A post shared by Levraoueg Skolaj Diwan Plijidi (@levraoueg_sdbd) on Dec 15, 2019 at 2:18am PST

View this post on Instagram

📖 « Les zenfants (presque) zéro déchet » – Jérémie Pichon ha Bénédicte Moret Klevet ho peus komz dija eus ar c’hiz nevez « Zero lastez », ha sur a-walc’h oc’h aet skuizh da glevout komz outañ ! 🙄 Koulskoude, ha ne vefec’h ket prest da saveteiñ ar blanedenn gant jestroù simpl, e-kerz an holl ? Setu amañ neuze ul levr nevez, goude « La famille (presque) zéro déchet » a zo dija el levraoueg, evidoc’h da gregiñ gant ur vuhez nevez, e-lec’h ma krogfec’h da zeurel pled da munudoù ar vuhez hag an endro 🤗🌏♻️ Kit da welet ivez war YouTube, an « Difi zero lastez » !

A post shared by Levraoueg Skolaj Diwan Plijidi (@levraoueg_sdbd) on May 5, 2020 at 6:31am PDT

---

View this post on Instagram

📖 « Broadway Limited » – Malika Ferdjoukh Echu eo an eil Brezel bed, kuitaat a ra Jocelyn Bro-C’hall evit mont da studiañ e New York 🗽. Pa zegouezh, ne dremen netra e-giz raktreset evel-just … met dont a ra a-benn da gavout ul lojeiz memestra 🏠 ! El lojeiz-se, emañ o vont d’ober anaoudegezh gant 6 plac’h 👩🏻👩🏽‍🦱👩🏼‍🦰👱🏻‍♀️👩🏽👩🏼 ken yaouank hag-eñ! A souezhadenn da souezhadenn, emañ o vont da verzout e krog ar merc’hed er Stadoù-Unanet d’en em zirolliñ, d’en em zieubiñ, ha da leuskel o arz d’en em zispakañ dre an dañs 💃🏻, ar gomedienn 🎭 hag ar c’han 🎤 ! Ul levr eus ar c’houmanant da L’école des loisirs (4re/3de) an hini eo ! Dav eo din anzav n’eo ket bet aes din plantañ en istor, ken tev e oa al levr … met ur wech tremenet al lodenn diaesañ e oa ur gwir blijadur ! Pep plac’h o kenlojañ gant Jocelyn a zo disheñvel ouzh ar re all, hag e pep hini anezhe ez eus ul lodenn vurzhudus ha dibar 💁🏽‍♀️✨ ! Goude bezañ echuet al levr, em eus dizoloet e oa un heuliad, daou levr all a zo dija ! Da vezañ kendalc’het neuze …

A post shared by Levraoueg Skolaj Diwan Plijidi (@levraoueg_sdbd) on Apr 30, 2020 at 9:25am PDT

---

View this post on Instagram

📖 « Hubert Reeves nous explique… » – Casanave, Reeves ha Boutinot Un heuliadenn bandennoù-treset an hini eo ! E pep vandenn-dreset e kas Hubert Reeves (skiantour hag ekologour) ur c’hlasad da bourmen en natur 🌳. Dizoleiñ a reont asambles an ardremez, ha displegañ a ra d’ar vugale penaos e ya en-dro an natur tro-dro, petra eo ar riskloù er bloavezhioù o tont ha petra zo tu ober evit hepkoriñ ouzh gwasterezh ar blanedenn 🌏! Pell zo bremañ em boa c’hoant kregiñ da lenn al levrioù-se, setu graet eo bremañ, ha dizoloet ha desket em eus ur bern traoù !! War temoù a bep seurt, etre ar vevliesseurted🐌, ar c’hoadeier🌳🌳🌳 hag ar meurvorioù🌊, a-benn nebeut unan war an hin ivez🌡!, e heuliomp Hubert Reeves hag e gouiziegezhioù, displeget brav ha sklaer evit an holl !

A post shared by Levraoueg Skolaj Diwan Plijidi (@levraoueg_sdbd) on Apr 27, 2020 at 3:04am PDT

---

View this post on Instagram

📖 « La passe-miroir, 3 – La mémoire de Babel » – Christelle Dabos Kuitaat a ra Ophélie arc’h Anima 🪐 evit mont war hini Babel 🪐, un arc’h bedvroat ha modernoc’h ! Ar spi he deus adkavout Thorn war an arc’h-mañ ha touellañ he enebourien da vat gant he galloud lennerez 📚! Setu an trede levrenn el levraoueg, e stumm godell (n’eo ket re dev hemañ 😂) ! Un heuliadenn blijus kenañ, ur bed dedennus ha skrivet gant ur skrivagnerez yaouank sod gant an Istor, ar mojennerezh hag all ! Da gregiñ ma n’o peus ket graet c’hoazh ! 🤗

A post shared by Levraoueg Skolaj Diwan Plijidi (@levraoueg_sdbd) on Apr 10, 2020 at 1:27am PDT

---

View this post on Instagram

📖 « Manoel, le liseur de la jungle » – Matthieu Sylvander Manoel, un tatou hag a oar komz ha lenn evel-just, a zo feuket pa lenn gevier war an tatoued, un deiz bennak en ul levr skrivet gant R. Kipling. Ur mennozh gantañ en e benn hepken, mont da gavout ar skrivagner ✍🏼 evit goulenn digantañ resisadurioù ha dreist-holl un dianzavadur eus an holl traoù faos a zo bet lâret gantañ war an tatoued ‘barzh e levr ! Setu eñ aet war roudoù R. Kipling, gant e vignon Luizao, ar paotr bihan 🧑🏼‍🦰 en deus profet al levr-se dezhañ, evit sklaeraat an afer-se e anv holl tatoued Amazonia 🌳! Unan eus levrioù ar c’houmanant “L’école des loisirs – Supermax” eo al levr-mañ (rummad 6vet-5vet). Un istor moutig tout, fentus kenañ, gant degouezhioù mousgoapus 😂 ha digredus 😱 peogwir ne gompren ket Manoel e vefe souezhet an dud da welet un tatou o kaozeal hag o lenn ! Hag evel-just, piv eo an R. Kipling-se ? 🤔Daoust-hag-eñ eo ar skrivagner milvrudet hag a anavezomp holl, skrivet gantañ ul levr studiet e 6vet ? Petra eo titl al levr-se dija … ? 🧐 [Ho respontoù en evezhiadennoù amañ dindan 😝]

A post shared by Levraoueg Skolaj Diwan Plijidi (@levraoueg_sdbd) on Apr 6, 2020 at 4:00am PDT

---

View this post on Instagram

📖 « Les règles … quelle aventure ! » – Elise Thiebaut & Mirion Malle Pebezh dizoloadenn ! Kaoz zo el levr-mañ eus an amzerioù, ar mizioù, … 🩸 Gwelet abaoe kantvedoù evel ur sujed difennet, da guzhat, da devel, setu el levr-mañ ar reolennoù wir dispaket a-benn ar fin ! Eus ar maouezed kentañ da vezañ bet o amzerioù, betek alioù war an doareoù hilastaliñ, o tremen dre ar c’hleñvedoù, ar maouezed a-led ar bed, ar rakvarnioù hag ar vrizhkredennoù, setu amañ un teul-titouriñ berr, klok ha dedennus meurbet ! Pegen laouen e oan da lenn anezhañ ! Desket em eus traoù digredus, komprenet em eus traoù all ha lakaet em eus ma mamm da lenn al levr-mañ ivez rak traoù a zo da zeskiñ da bep oad eus ar vuhez ! Erbediñ hag aliañ a ran d’an holl merc’hed lenn al levr-mañ, karet em befe lenn anezhañ d’ho oad!, met ivez d’an holl baotred, rak pouezus kenañ e kavan evidoc’h meizout penaos e ya en-dro korf ar merc’hed evit daremprediñ ha bevañ gante, met dreist-holl evit kompren ho c’horf deoc’h c’hwi ivez ! 🤗

A post shared by Levraoueg Skolaj Diwan Plijidi (@levraoueg_sdbd) on Apr 2, 2020 at 7:48am PDT

---

View this post on Instagram

📖 « Calpurnia » – Daphné Collignon Bevañ a ra Calpurnia gant he zud, he breudeur hag he zad-kozh. N’eo ket aes bemdez eviti kavout he flas er familh, dreist-holl gant he 6 breur tro-dro, torr-penn ganti evit al lod vrasañ diouto. Evit tec’hel eus ar familh, e krog da vont muioc’h mui er-maez eus an ti, ha da zizoleiñ an natur tro-dro. E-kerzh unan eus he baleadennoù e kej gant he zad-kozh, hag a zispleg dezhi e micher naturour, ha penaos e studi an natur hag e zizolo spesadoù nevez. Graet eo he soñj ! Emañ-hi o vont gant ar micher-se ivez ! Brav-tre eo ar vandenn-dreset-se ! Diaes e c’hell bezañ bevañ en ur familh ken vras hag hini Calpurnia, met bez zo bepred tud, pe un den d’an nebeutañ, gant piv e c’hellomp eskemm pa ne ya ket mat an traoù. Ha mont da aveliñ en natur a zo diskuizhus bepred … ! 🌳🌱🌿🍃🌷

A post shared by Levraoueg Skolaj Diwan Plijidi (@levraoueg_sdbd) on Mar 31, 2020 at 4:18am PDT

---

View this post on Instagram

📖 « Dans la jungle de l’info » – Cartooning for Peace Setu amañ un teul-titouriñ o vodañ 60 tresadenn kazetenn. An tresadennoù kazetenn a sikour ac’hanomp da gompren ar bed tro-dro deomp ha lakaat a reont ac’hanomp da zerc’hel soñj eo a-bouez ar stlennerezh eus ar c’hentañ evit an demokratelezh. El levr-mañ, an tresadennoù a zo stag ouzh kudennadur an teknologiezhioù nevez, ha penaos e tro micher ar c’hazetennerien er bed a-vremañ. Gant Internet hag ar rouedadoù sokial, pegen a-bouez eo karg ar c’hazetennerien en holl vroioù, en diktatouriezhioù hag en demokratelezhioù ! Ul levr stag ouzh hon istor, fentus er memes tro, hag a ro ur sell gwirion war ar pezh a c’hoarvez er bed a-bezh !

A post shared by Levraoueg Skolaj Diwan Plijidi (@levraoueg_sdbd) on Mar 26, 2020 at 6:00am PDT

---

View this post on Instagram

📖 « Greta, la voix d’une génération » – Viviana Mazza Klevet ho peus komz holl eus Greta Thunberg 👧🏼, setu el levr-mañ he istor. Un nebeud bloavezhioù zo e krog Greta da glevout emañ ar blanedenn hag an hin en arvar. Hogen ne gompren ket perak ne ra den netra evit talañ ouzh ar pezh a c’hoarvez, na perak n’eo ket ken ankeniet tud ar vugale da leuskel an traoù da fallaat evito en dazont. Setu perak e krog hi, he harz-labour kentañ evit an hin e miz Kerzu 2018. Al levr-mañ a zo ur buhezskrid o kontañ buhez Greta Thunberg, kinklet ouzhpenn gant saveladoù skiantel 🧬 evit kompren en un doare resis ar pezh a c’hoarvez gant hon blanedenn. Berr eo al levr, ha n’eo ket peurglok, met lakaat a ra da brederiañ war an endro hag an hin, ha war perzh pep hini evit saveteiñ ar blanedenn ! 🌎

A post shared by Levraoueg Skolaj Diwan Plijidi (@levraoueg_sdbd) on Mar 23, 2020 at 10:32am PDT

---

View this post on Instagram

📚 Priz ar Yaouankiz – Kouignoù iskis evit ar mammoù-kozh (Laurence Lavrand) Eil levrenn troioù-kaer Loeiza eo ar romant-se (levr kentañ : Loeiza, gant Laurence Lavrand). Adkavout a reomp anezhi, distroet e Breizh, e ti he zad ha n’eo ket laouen gant an dra-se, gwelloc’h e vefe bet dezhi bezañ e Mayotte gant he mignonezed nevez. Koulskoude, klevout a ra eo marvet Helen, amezegez kozh he zad. Hogen, seblantout a ra iskis an afer-mañ… Setu-hi enlusket war roudoù he amezegez a- benn kompren penaos ha perak eo marvet ar plac’h-kozh-se ! Diaes eo bet din kregiñ gant an istor-se ha kompren pelec’h 'oa an dalc’h en enklask-mañ. Met a-benn ar fin e vezomp sachet gant troioù-kaer ar plac’h yaouank, hag hon eus c’hoant gouzout dibenn an istor iskis-mañ, ha dreist-holl … perak kouignoù iskis !?

A post shared by Levraoueg Skolaj Diwan Plijidi (@levraoueg_sdbd) on Mar 22, 2020 at 7:05pm PDT

---

View this post on Instagram

📚 Priz ar Yaouankiz – Texüe, tasmant kastell Brest (Paskal Hervio) E 1925 emaomp. Fili a zo ur c’hazetenner yaouank evit kazetenn brudetañ Brest. Anavezet mat eo evit e bennadoù skrivet mat. Un deiz a viz Mae e klev tud er straedoù o komz eus un tasmant a vefe bet gwelet e kastell Brest. Ken prim ha tra, erruet eo dirak ar c’hastell met dispellaet e vez gant an aotrou brigader buan a-walc’h. Hogen n’eo ket lâret e ger diwezhañ gantañ, ha prest eo d’ober forzh petra evit kavout ar pezh a c’hoarvez evit gwir er c’hastell. Etre an enklaskoù, ar muntroù, an teñzorioù, an istorioù karantez hag istor Breizh eo klok a-walc’h buhez Fili d’ar c’houlz-se ! Dreist em eus kavet an istor-mañ ! Seblantout a ra tev a-walc’h al levr evidoc’h met evel an holl enklaskoù polis dre vras, pa vezer krog ganto ne c’heller ket distagañ outo. Daoust ma tremen pell 'zo, e chom dedennus an istor, ha ne c’hellomp ket chom hep klask gouzout piv eo torfedour ar c’hastell …

A post shared by Levraoueg Skolaj Diwan Plijidi (@levraoueg_sdbd) on Dec 15, 2019 at 2:29am PST

---

View this post on Instagram

⚡️ Harry Potter e brezhoneg ⚡️ Prenet eo bet Harry Potter ha kambr ar sekredoù el levraoueg a-benn ar fin ! An holl a anavez Harry Potter, pe peogwir ho peus lennet anezho e galleg pe e saozneg, pe peogwir ho peus gwelet ar filmoù 🎞, pe nemet peogwir ho peus klevet komz dioutañ tro-dro deoc’h ! Perak lenn anezhañ e brezhoneg neuze ?! Ur gwir fan eus Harry Potter ez on ha prenet em boa al levrenn gentañ Harry Potter ha maen ar furien evit klokaat ma dastumadeg er penn-kentañ. Met buan a-walc’h em eus bet c’hoant gouzout penaos e oa bet troet anvioù an dud, al lec’hioù hag ar strobinelloù e brezhoneg gant Mark Kerrain. Anat eo n’eo ket ken aes lonkañ al levrioù e brezhoneg hag e galleg (pe e saozneg evit lod zo), evidon n’eo ket bet kennebeut. Met ret eo plantañ ‘barzh, rak emaoc’h o vont da zizoleiñ ur bed nevez penn-da-benn ! Ar memes istor eo sur, met n’emaoc’h ket e Poudlard ken, met e Kerambreoù, hag ar bed-se a zo strobinellusoc’h c’hoazh eget ar pezh a soñje deoc’h ! Ul lennadenn blijus evit vakañsoù Nedeleg🎄, n’eo ket ?

A post shared by Levraoueg Skolaj Diwan Plijidi (@levraoueg_sdbd) on Dec 15, 2019 at 2:09am PST